Ahadees e Nabwi(sallahu allaihi wassallam)

Hadees wo hai jise qo’ol e mustafa kahein,

Hadees wo hai jise fael e mujtaba kahein,

Sunai deti hai jab bhi sdaye qaal e Rasool,

To jee mein ata hai har bar merhaba kahein,

Zawaal e fikar o nazar se hadees ka hai inkaar,

Bajaz zal’lal mubeen us ko aur kya kahein,

Hadees asal mein quran hi ki tafseer hai,

To phir hadees ko quran se kyun juda kahein,

Zaleel hum hein to terk e quran o hadees se,

Qasoor apna hai ghairon ki kya khtaa kahein

Rasool (salallahu allaihi wassallam) ki chnd khubsurat ahadees ka majmooa.

Hadees number 1 :

” Ameer ul momeneen Abu hafs(R.A) hazart umer(R.A) bin khitaab se riwayat hai, wo kehte hein mein ne Rasool Allah (salallahu allaihi wassallam) se suna, wo farmatee hein: “Beshak amaal ka daromidaar niyaton par hai aur beshak har admi ke liye wahi kuch hai jis ki usne niyat ki ps, jis ki hijrat Allah aur us ke Rasool ki taraf hai pas uski hijrat Allah aur uske Rasool ke liye hai. Aur jiski hijrat duniya ke liye hai wo usey pa le ga ya aurat ke liye hai ke us se nikaah kre, pas uski hijrat uski taraf hai jis ke liye usne hijrat ki”.

is hadees sey zahir hota hai ke amal jesa b hao ucka sara daromdaar niyat par hai agar niyat bhali hai to ajar miley ga aur niyat buri hai to achy kam ka ajar b nahi miley ga q ke Allah talla to dilo ke raazo sey aur bhaidoo se wakif hai.

Mazeed parhein: Taaruf e hadees

Hadees number 2 :

“Hazart usman bin afaan(R.A) se riwayat hai ke Rasool Allah(salallahu allaihi wassallam) ne farmaya “tum mein se behter wo shakhs hai jo quran seekhe aur usey sikhaye”.

ic hadeese mubarika mai quran ki fazeelat byan ki gyi hai shaks wohi bhtar hai jo quran seekhta hai aur sikhata hai yaani quran ki taalemat ko phelata bhi hai aur khud bhi uc par amal paira hota hai.

Hadees number 3 :

“Hazart malik bin anns(R.A) se riwayat hai ke Rasool Allah (salallahu allaihi wassallam) ne farmaya” mein tumhare dermyan do cheezein chor ker ja rha hun jab tak tum in dono ko mazbuti se pakre rkho gy gumraa na ho gy aik hai quran aur dosra rasool ki sunnat.”

ic hadeesey mubarika mai nabi e pak (sallalahu allaihi wasallam) ne apni ummat ko ye btaya ke unki ummat gumrah na hojaye ic liye wo apni ummat ke logon mai 2 behtreen cheezein chor kr ja rhein hain, kitab Allah yaani quran kareem aur nabi e pak ki sunnat jo ke bhtreen namona hai.

Hadees number 4 :

“Abdulah bin umer(R.A) se riwayat hai wo kehte hein ke nabi (salallahu allaihi wassallam) ne farmaya “Islam ki bunyaad panch arkaan par hai guwahi dena ke Allah ke siwa koi ma’abood nahi aur Muhammad (salallahu allaihi wassallam) us ke bande aur uske rasool hein aur namaaz qaim kerna aur zkaat dena aur Allah ke ghar ka hajj kerna aur ramadan ke rooze rkhna”.

ic mai islam ke 5 bunyaadi arkaan ka zikar hai jo ki deen e islam mai dakhil honey ke liye zaroori hain.

Hadees number 5 :

“Hazart shberma bin ma’abad(R.A) se riwayat hai ke nabi (salallahu allaihi wassallam) ne farmaya bche ko namaaz ka hukam do jab wo saat(7) saal ka ho jay aur jab wo das(10) saal ka ho jay to(terke namaaz) par usey maro is ko abu daud aur tramzi ne riwayat kiya hai aur tramzi ke alfaaz ye hein ke saat saal ke bche ko namaaz sikhao aur das saal ka ho jay to namaaz terk kerne par useey maro”.

ic hadees mai nmaaz ki ahmiyat bayan ki gayi hai, musalman par nmaaz farz hai icka adaa krna farz hai lehaza bchpan hi sey apny bacho ki tarbiyat mai nmaaz aur ucki ahmiyat ka dars dena chahye.

Hadees number 6 :

“Hazart ameer muawiya(R.A) se riwayat hai ke Rasool Allah (salallahu allaihi wassallam) ne farmaya” Allah talla jis shakhs ke sath bhlai ka irada kerta hai usey deen ki samjh ata ker deta hai”.

ic khoobsurat hadees mai nabi pak ne deen e islam ki smajh jesi doolat ka zikr kiya ke Allah talla apney bando ko chunta hai aur jic ke sath bhlaayi ka irada rkhta hai uc ke dil ko deen e islam ki muhabbat se malaamall kar deta hai.

Mazeed parhein: Hadees ki zarurat o ahmiyat

Hadees number 7 :

“Hazart abu huraira(R.A) se riwayat hai ke Rasool (salallahu allaihi wassallam) ne farmaya” jo shakhs talb e ilam mein kisi rasta par chalta hai to Allah talla uske liye jannat ka rasta asaan ker deta hai aur jo loog Allah ke gharon (msaajid) mein jmma ho ker tilaawet e quran kerte hein aur apas mein usko parhte perhate hein un par taskeen nazil hoti hai aur rehmat unko dhanp leti hai aur farishte unko ghaer lete hein aur Allah apne qareeb wale (farishton) mein unka ziker kerte hein aur jiska amal takheer kre uska nisb us ke liye jaldi nahi kre ga”.

ic mubarik hadees main nabi e pak ne ilam ki ahmiyat waziyah ki hai ilm seekhne ke amal ko taleem kaha jata hai, ilam insaan mai shaoor paida krta hai jic se wo achey burey ki tameez krta hai naiki aur badii mai fark krna seeekhta hai ic liye taleem hasil krna zroori hai.

Hadees number 8 :

“Hazart abu hurara (R.A) se riwayat hai ke Rasool(salallahu allaihi wassallam) farmate hein ” Ay Allah mein chaar baaton se teri pnah mangta hun aisa ilam jo nafa na de aur asa dill jo naram na ho aur asa dill jo saer na hota ho aur asi dua jo suni na jaye”.

is hadees mai nabi e paak ne Allah talla sey chaar cheezon ki pnaah mangty huwe dua ki hai, aur wo chaar cheezein hai(aisa ila jo nfaa na de, aisa dil jic mai khoof e khuda na ho,aisa nafs jo kbhi na bhrey , aur aisi du jo kabool na ho).

Hadees number 9 :

“Hazart abdulah bin masood (R.A) se riwayat hai ke Rasool (salallahu allaihi wassallam) ne farmaya” Qayamat ke din insaan ke qadam agey nahi chal skein ge jab tak ke us se panch(5) cheezon ke baare mein swaal na ker liya jaye ga. Uski umer ke baare mein ke usne use kin kaamon mein saraf kiya , uski jawani ke baare mein ke usey kin kaamon mein purana kiya aur uske maal ke baare mein ke usne usey kaha se kamaya aur kahan kharch kiya aur jin baaton ka use ilam tha un par kahan tak amal kiya”.

ic hadees e mubarika mai hazoor e paak ne frmaya hai ke zindagi Allah talla ki amanat hai aur Allah talla ne insaan ko ic duniya mai aik khaas mksad ke liye bheja hai to qyammat ke din Allah talla apney bando se swal kare ga ke unhn ne apni zindagi ksey guzaari ,naiki mai ya baddi mai.

Hadees number 10 :

“Hazart Abdulah(R.A) se riwayat hai ke Rasool (salallahu allaihi wassallam) ne farmaya,” Shar’ri fraiz ke baad halaal kmai ki justaju (sab se aham) fareeza hai”.

ic hadees e mubarika mai nabi e paak ne hlaal kmayi yaani kasb e halaal ki ahmiyat byaan ki hai ke sb se aham fareeza shar’ri fraiz ke bad kasb e hallal hai.