Taaruf e hadees

Hadees ka lafzi ma’ani:

Hadees ka lafz arbi zuban mein mukhtalif ma’ani ke liye bola jata hai.

(1) Baat cheet aur guftagu ke ma’ani mein (2) nai cheez aur nai baat ko bhi hadees kehte hein. Hadsa ko is liye naam diya gya hai ke wo waku ke aitbaar se nya hota hai.

Shar’ri istillah:

Shar’ri istillah mein hadees is kalam or khabar ko kehte hein jo sarkar e do alam (salallahu allaihi wassallam) ke akwaal, af’aal aur takreer par mushtamil ho.

Hadees e nabwi ki teen bad’di iqsaam.

1.Koli hadees:

Jin ahadees mein sarkar e do alam (salallahu allaihi wassallam) ke isharaat mubarak ka ziker hai wo koli hadees kehlati hai.

2.Fa’eli hadees:

Fa’eli hadees mein Rasool (salallahu allaihi wassallam) ke afaal shamil hein. Maslan namaaz, rooza, wazu, aitkaaf aur degar amaal o afaal shamil hein.

3.Takriri hadees:

Takriri hadees ka matlab ye hai ke kisi sihabi ne Aap (salallahu allaihi wassallam) ki mojudagi mein koi amal kiya aur ap ne us se mna nhi farmaya. Ye amal takriri hadees ke zamray mein aye ga. Maslan hazart Umer bin al’aas (R.A) par ghusal wajib tha. Bimaari ki waja se wo pani istimaal nhi ker sakte the. Chunancha ap (R.A) ne hazoor (salallahu allaihi wassallam) ki mojudagi mein tayam’mum kiya aur ap (salallahu allaihi wassallam) ne is sihabi ko mna na farmaya. Lehaza ap (salallahu allaihi wassallam) ke khamosh rehne aur mna na karne ka matlab ye hua ke wo kaam jaiz aur darust hai.

Mazeed parhein: Hadees ki zarurat o ahmiyat

Sunat ka istillahi mafhoom:

Muhadseen ke nazdeek Rasool (salallahu allaihi wassallam) ke afaal ya takreer ko sunat kaha jata hai. Sunat ka mutzaad lafz bid’at hai. Khilfaa o rashideen ke tarz e amal ko bhi sunat kehte hein. Sarkar e do alam (salallahu allaihi wassalam) ka irshad hai: “Mere aur mere khulfaa e rashideen ke terike par chlo”.Six digit code is 969696.

Hadees o sunat hum ma’ani alfaaz hein:

Ba’az hadees ka ilam rakhne wale hadees aur sunat mein farak karte hein lakin aksar muhadseesn dono ko hum ma’ani lafz ke tor par istimaal karte hein. In mein bohot maamuli farak hai. Aam tor par Rasool (salallahu allaihi wassallam) ke aqwaal, afaal, takreer ko hadees kaha jata hai magar sunnat ka lafz siraf ap ke amal ya’ani faali hadees ke liye istimal hota hai.