Pehli wahi
Rasool (salallahu allaihi wassallam) umar e mubarak ke iktaliswen baras mein the ke maah e ramadan ki aik raat jab ke ap (salallahu allaihi wassallam) shehr makkah se teen meel dur ghaar e hira mein masroof e ibadat the Jibrail (A.S) hazir huye aur Quran kareem ki ye ayaat bazeriya wahi kalb Rasool (salallahu allaihi wassallam) par nazil kin.
“Perhiye apne rab ke naam se jis ne paida kiya insaan ko jmme huy khoon sey, perhiye aur tera rab sahib e karam hai jis ne kalm se sikhaya, us ne insaan ko wo kuch sikhaya jo wo nahi janta tha “
“Ya’ani ramadan ka mahina wo hai jis mein Quran nazil kiya gya”. (Al bakra:185)
“Ya’ani humne Quran paak ko qadar wali raat mein utara hai”. ( Al qadar: 1)
Dusri taraf hum dekhte hein ke ye Quran paak pehli wahi ke nazool se le ker akhri wahi ke nazool tak 22 saal 2 maah 22 din mein nazil hua hai to is mein tatbeek is terhan di jay gi ke Allah talla ne Quran paak ko looh e mehfooz se asmaan duniya par bak waqat utar diya tha aur jab ye utara gya to us waqat ramadan ka mahina tha aur usi mahiney mein qadar wali raat ya’ani laila tul qadar thi. Phir asmaan duniya se ya’ani hise hise ho ker bwaqat zarurat e moqa mahel ki munasibat se serkar e do alam(salallahu allaihi wassallam) par bzeriya wahi utara gaya.
Mazeed parhein: Taruf e quran
Quran paak ka nazool batadreej hua hai.
Quran hakeem ka aik naam tanzeel bhi hai. Ye lafz baat taf’eel se hai jis ke ma’ani hein kisi kaam ka thehar thehar kar hona. Irshad e baari talla hai “Aur munkareen kehtey hein ke is nabi par Quran aik bar hi sara kyun nhi naazil ho jata? Is liye ke hum Quran ke nazool ke zariye tere dill ko mazboot rakhna chahte hein aur humne usko thehar thehar ker perha hai”.
Mazeed parhein: Namaaz ke fawaid o smraat
Jab farishta jibrail ameen wahi le ker aty to ap (salallahu allaihi wassallam) parhne mein zra jaldi karte. Allah talla ne ap (salallahu allaihi wassallam) se pucha ke ay mere mehboob! Ap (salallahu allaihi wassallam) zuban jaldi kyun hilate hein to arz kiya ay mere perwardigar rooh al ameen ki zuban se nikalne wali ayaat ko apne hafze mein mehfooz karne ke liye jaldi parhta hun to Allah talla ne farmaya:
“Ap (quran ko perhne ke liye) zuban jaldi na hilaya kerein, beshak is quran ko jmma rakhna aur parhna hamare zima hai. Phir jab hum parhne lgein to ap bhi sath uske parhein phir us ko bayan ker dena bhi hamari zima dari hai”.
Quran paak mein irshaad farmaya ja rha hai:”Aaj ke rooz mein ne tumhare liye tumhare deen ko mukamal ker diya aur tum par apni naimat puri ker di aur tumhare liye deen e islam ko batoor e deen pasand kiya.
Beshak icki hifazat ka zimma Allah talla ne khud liya hai aur qyamat tk ic mai koi bhi tbdeeli nahi aye gi jsy ke baki kitaboon mai ati rhti hai aur ye qyamat tak yu hi mehfooz rahe ga.
Leave a Reply