Roozey ke fawaid.

Rooza musalmano ke liye Allah ki taraf sey behtreen ibadat hai, aur roza rakhney wala Allah ka mehboob banda hota hai, rozey ke kayi fawaid hain. Rooza apne ander bey shumaar jismaani, ruhaani, muashrti aur akhlaaki fawaid rkhta hai. Un mai sey kuch darj zail hain:

1 : Takwa

Roozey ki ferziiyat ka badda maqsaad takwa hai. Rooza daar agar khloos-e-neeyat sy puri shrayit ko malhooz-e-khatir rkh kar purey maheenay ke roozey rkhe to us k dill mein takwa aur perheezgari samaa jati hai. Wo mutaqi ban jata hai is se badda faida aur kya ho skta ha.

Mazeed parhein : Ramadan ka mubarik maheena

2 : Zabtey naafs

Rooza nafsaani khwahishaat ko marne aur nafs per kaabu pane ka behtreen aur mausar zriyaa hai. Manjar Saadiq (R.A) ne farmaya ” Rooza dhaal hai aur jab tum mein se kisi ka rooza ho, to wo apni zubaan se fahash baat na nikaale aur na shoor-o-hungama kare aur agar koi galli de ya laddai per amaada ho to us rooza daar ko kehna chahiye k mein to roozey sa hun.”

3 : Jazbaa aisaar-o-hamdardi

Rooza amraa ke dill mein ye ehsaas pedda kerta hai ke muashre ke ghreeb loog hamari hamdardi aur aamli taawun ke haaq daar hein. Unhein ghreebon ki bhook aur pyaas ka khyaal rehta hai. Is terhan jazbaa asaar-o-hamdardi pedda hota hai. Rasool (sallalahu allahi wasallam) ne es maheeney ko gham khwaari ka maheena karaar diyaa hai aur khud aap (sallalahu allahi wasallam) ka amal ye hota tha k maahe ramzaan mein baarish ki terhan skhaawt kerte , ghreeb, maskeen aur nadaroon ka khaas khyaal rkhte.

4 : Tibbi fawaid

Rooza bohat si jismaani bimariyoon ka illaaj bhi hai. Maeda jo saara saal musalsal kaam karta hai aik maah mein purey din ke liyee usey araam kerne ka mooqa milta hai. Jiss se wo saaf ho jata hai. Rooza daar basiyar khoori se rukaa rehta hai jiss se maeda ki kai bemariyaan door ho jati hein aur mootapey se bhi kaafi haad tak nijaat mill jati hai. Hazoor (sallalahu allahi wasallam) ka irshaad hai.” Har shey ki zakaat hai aur badan ki zakaat rooza hai.”

5 : Ajar-e-azeem

Aik maah musalsal rooze rkhne se muslman kanoon khudawndi ka paband ho kr apni bandagi ka amli namoona pesh karta hai aur Allah taalla ki rzaa o khushnudi haasil kr k behisaab ajar haasil karta hai. Hadees-e-qudsi hai ke “Rooza mere liye hai aur mein hi is ki jazaa dun ga.”