Allah talla ne hum musalmano ko 5 namazoon ka tuhfa diya hai , fajar , zuhar , asar maghrib aur isha . Ye 5 namazein musalmano par farz ki gyi hain or inkoo adaa karna hr musalman par farz hai.
Lekin wo ibadaat jo hum par farz nahi hain aur hum Allah ki jazaa ki khatir ada karty hain unko nafli ibadat kaha jta hai un mai nawafil bhi hain aur nafli rozey bhi shamil hain jesy ke musalmano pe ramadan ke azeem maheeney ke roozey bhi farz kiye gye hain ramadan ke rozey rakhna hum par farz hai. magr wo rozey jo hum par farz nhi hain wo nafli rozey hain jo hm Allah talla ki muhabbat mai ucki jazaa o razaa ki khatir rakhty hain
Albatta Allah talla ka kurb hasil karney ka sab sey behtreen zariya farz ibadat ki adayigi hai. Farz ibadaat ki adayigi Allah talla ko sab sey zyada mehboob hai.
Mazeed parhein : laila-tul-qadr
Hazrat Ayesha ( R.A) sey rwayat hai , wo farmati hain, ” ke mai ney Nabi e pak ( sallalahu allaihi wasallam ) ko shabaan ke maheeney sey zyada nafli rozey rakhty huwe kici aur maheeney mai nahi dekha”.
Hmary pyarey Nabi ( sallalahu allayihi wasallam) ne farmaya ” sab sey behtreen rozey Hazrat Dawood (allaihi salaam ) ke hain k wo aik din roza rakhty hain aur aik din chorty hain”.
Nafli ibadaat ki fazeelat .
Hazrat Abu Huraira (R.A) farmaty hain ke Nabi e pak ( sallalahu allaihi wasallam ) ne farmaya ke Allah talla ka irshad hai ” Jic ne merey walli sey dushmani ikhtyaar ki uckey khilaaf meri taraf sey ilaan e jang hai, mera banda mera takurb kici aur amal sey utna hasil ni kar skta jitna ke faraiz ki adayigi se yani uc amal sey jo mai ney uc par farz kiya hai , aur mera banda nawafil ke zariye merey aur kareeb hota chla jata hai yahan tak ke mai uc sey muhabbat karney lagta hun aur jab mai apney bandey sey muhabbat karney lgta hun to mai ucka wo kaan ho jata hun jic sey wo sunta hai ,ucki wo ankh ho jata hun jic sey wo dekhta hai ucka wo hath ho jata hun jic sey wo pkarta hai wo paoo ho jata hun jic se wo chalta hai beshak agar mera bnda mujh sey mange to mai ucko ataa karun ga aur agar wo meri pnaah mai anaa chahy ga to mai ucko apni pnaah mai le lun ga”.
Ici trhan nafli rozeey ki ahmiyat bhi Nabi e pak ( sallalahu allaihi wasallam) ke ic irshad sey waziyah ho jati hai ,Framaya” Jo aadmi ramadan ke rozey rakhey aur phir baad mai shwal ke 6 rozey rakh le to ye amal puri zindagi rozey rakhney ki manind hai”. aik aur jgha irshad e nabwi hai ” Jo shaksh Allah talla ki raza ki khatir roza rakhey uc ki rahh mai roza rakhein to Allah talla uc din ke badle mai uc ke chehrey ko 70 saal jahanum ki aag se door farma dety hain”.
Allah talla hamein bhi farzi ibadaat ke sath sath nafli ibadat ko adaa karney ki taufeeq de. Aur hamein dunya o akhirat mai surkhoru karey.(AMEEN)!
Leave a Reply