Sab sey pehley namaz e tarawi ko namaz e tahajjud ki soorat deney wali shaksiyat ka naam” Allama Ibn e Jozi”hai. Magar muslim ummat mai unki ic raye ko pazeerayi nahi milli. Namaz e tahajjud ko rat ke teesrey hisey mai parha jata hai.
tanhayi mai parhi janey wali ye namaz Allah ko buhat pasand haii, jab banda sari duniya ko chor kar apney rab ki bargah mai akela hazir hota hai apni neend chor kar uc sy batein karta hai, ucki ibadat karta hai to Allah ko apney bandey ki ye namaz buhat pasand aati hai. Surah israr mai farmaya gya hai ” Aur rat ke doraan bedaari ikhtyar karo”.
Tahajjud ki barkat
Ahadees e mubarika mai bhi icki buhat ahmiyat aur fazeeelat bayan frmayi gayi hai .icki kam se kam aur zyada sey zyada 12 rakaat hain. namaz e isha ke bad sona lazim hai aur phir fajar sey pehley rat ke kici bhi pehar uth kar namaz e tahajjud adaa ki ja sakti hai, sunnat ke mutabik icko rat ke teesrey pehar adaa kiya jata hai.
Mazeed parhein: Eid ul fitar ke fazayil
Hazrat Ayesha (razzi allah talla anhu) farmati hain ke Nabi e pak ( sallalahu allaihi wasallam) hmesha raat ko 11 rakaat parhty the, aur aik rakat ke saath tamaam rakaat ko taak bana lety namaz parhney ke bad dayi karwat let jatey yahan tak ke aap ke pas moazin ata aur phir 2 rakat namaz mukhtasiran parhty.
Ye namaz bandey ko Allah ke kareeb karti hai jab banda apni neend chor kar sari duniya se alag ho kar Allah ko yad karta hai to Allah buhat khush hota hai, Hazoor e pak ( sallalahu allaihi wasallam ne farmaya ke ” Allah talla ko tamaam nafli namazo sey zyada pasand namaz ” namaz e tahajjud” hai.
Tahajjud ke wakt Allah bandey sey sab se zyada kareeb hota hai,Hazraat sayedna Hasaan Basri se kici ne poocha ke tahajjud guzaaro ke chehre doosro se khoobsoorat kyun hotey hain to frmaya wo Allah ke liye tanhai ikhtyaar kartey hain to Allah unhey apney noor ka libaas pehna deta hai.Allah talla raat ke akhri hisey mai dunyaawi asmaan pe tshreef latey hain aur farmatey hain hai koi jo mujh se mangey? mai ucy ataa karoon ga aur uckey gunah baksh dun ga”.
Allah talla hamein bhi namaz e tahajjud parhney ki taufeek ataa farmaye aur apney aur nabi e pak ki perwi karney aur nek amaal karney ki taufeek de.
Leave a Reply