Eid ul fitar

Eid ul fitar

Eid ka lafaz “aud” sey bana hai jickey maini hain” lotna , Eid ul fitar ramadan ka mahina khatam honey kai bad manayi jati hai, ye ykam shwal ko manayi jati hai aur musalman 3 din tak icki khushiya manaty hain, ye ramadan ke rozey rakhney ke bad musalmano ke liye Allah talla ki taraf sey tohfa hota hai.

Eid ul fitar ki namaz sey pehly ,musalman fitrana adaa kartey hain ye muslmano pey farz ha .Musalman subh swerey uth kar Fajar ki namaz k bad gharo mai kuch meetha banaty hain amoman gharon mai swaiya ya kheer bnai jati hai aur phir ucko hmsayoo main banta jata hai ic sey zahir hota hai muslman bhai bhai hain aur sath hain chahey khushi ho ya gham .

Mazeed janiye: Ramadan ki fazeelat o barkat ahadees ki roshni main

Phir Eid ki namaz parhi jati hai aur namaz parhny ke bad sab musalman bhai apas mai galley milty hain aur eid ki mubarak bad dety hain, bachon ko bazurgo sey aur barho sey eidi milti hai ,gharon mai kayi trhan ke pakwan pakty hain aur sab mil jul kar eid manaty hain.

Eid ki barkat.

Ye musalmano ke liye khushi ka din hota hai, icki brkaton ko hamary pyarey Nabi kareem (Sallalahu allaihi wassalam) ne yuu bayan farmaya “ke jab eid ul fitar ki mubarik raat aati hai to ucey “Jazza ki raat” ke naam sey pukara jata hai, aur jab eid ki subha hoti hai to Allah talla apney farsishton ko hukam deta hai aur unko tamam shehro mai bhejta hai aur farishty sab galiyo aur raastoon mai khary ho kar nida detey hai key ” Ay Muhammad (sallahu allaihi wassalam) ki umat, apney rab ki bargah ki janib chalo jo buhat attaa karny wala hai aur gunaho ko maaf krney wala hai”.

Allah talla apney bando se farmata hai ” Ay merey bande mang kaya mangta hai ,aaj ke rooz apni akhrat ke liye jo swaal karo gey wo pura karon ga , aur jo kuch tum duniya ke liye mango ge uc mai tmhari bhlayi ki traf nazar frmao ga , tumhari khtaoon ki parda poshi karoon ga, aur tumhe ruswa na karoon ga, beshak tum ney mujh raazi kar diya aur mai tum sey razzi huwa.”

Farman e rasool (Sallalahu allaihi wassalam ) hai ” Jic ney 5 ratoon, 8 9 10 zilhajj ki raatein aur eid ul fitar ki raat aur 15 shaban ki raat ko shab bedari ki aur Allah ki bargah mai sajdey kiye to uc ke liye jannat wajib ho gyi”.